News

Green Universityda Dr. Madhu Rao ishtirokida global muhofazaga bag‘ishlangan ma’ruza bo‘lib o‘tdi

Green Universityda “Sog‘lom tabiat, sog‘lom sayyora” mavzusida IUCNning Himoyalangan hududlar bo‘yicha Jahon komissiyasi (WCPA) raisi Dr. Madhu Rao ishtirokida ilhomlantiruvchi ma’ruza tashkil etildi.

Ma’ruza davomida talabalar tabiat va biologik xilma-xillikning bugungi holati, ekotizimlar hamda turlarga tahdid solayotgan asosiy omillar, shuningdek Biologik xilma-xillik to‘g‘risidagi konvensiya kabi xalqaro kelishuvlarning ahamiyati haqida ma’lumot oldilar. Shuningdek, Kunming–Monreal Global bioxilma-xillik doirasi (GBF)ning 3-maqsadi orqali global muhofaza yo‘nalishidagi yangi imkoniyatlar yoritildi.

25 yildan ortiq tajribaga ega bo‘lgan Dr. Rao o‘zining amaliy tajribasi va xalqaro qarashlari bilan o‘rtoqlashib, yoshlarni tabiatni asrash jarayonida faol ishtirok etishga chorladi. Ma’ruza barqaror rivojlanish va himoyalangan hududlar kelajagi bo‘yicha muhim muloqot maydoniga aylandi.