News

Green University Oʻzbekistonda Birinchi NDC 3.0 Muvofiqlashtirish Yigʻilishini Oʻtkazdi
2026 yil 29 yanvar — Bugun Green University Birinchi NDC muvofiqlashtirish yigʻilishi va Oʻzbekistonning NDC 3.0 ishga tushirish yoʻnalishlarini rivojlantirish bo‘yicha seminarga mezbonlik qildi. Tadbir Ekologiya va iqlim oʻzgarishi milliy qoʻmitasi tomonidan UNDP koʻmagi bilan “UNDP Climate Promise – Phase II” tashabbusi doirasida tashkil etildi.
Yigʻilishga vazirlik va davlat idoralari, BMT agentliklari, xalqaro rivojlantirish tashkilotlari va fuqarolik jamiyati vakillari taklif qilindi. Tadbirda ishtirokchilar Oʻzbekistonning yaqinlashib kelayotgan NDC 3.0 ni amalga oshirish boʻyicha amaliy qadamlar, COP30 natijalari, yo‘l xaritasini ishlab chiqish va iqlim harakatini moliyalashtirish masalalarini muhokama qilishdi.
Ochiq sessiyada Ekologiya va iqlim oʻzgarishi milliy qoʻmitasi raisi oʻrinbosari Jusipbek Kazbekov, Green University rekto¬¬ri Baxtiyor Pulatov, BMTning O‘zbekistondagi doimiy koordinatori Sabine Machl va UNDPning O'zbekistondagi doimiy vakili Akiko Fujii ma’ruzalarini eshittirishdi. Ular oliy ta’lim muassasalari ilm, siyosat va amaliy iqlim chora-tadbirlarini uygʻunlashtirishdagi muhim ahamiyatini ta’kidlashdi.
Ekspertlar ma’ruzalari va davra suhbatida ishtirokchilar strategiyalar, takliflar va eng yaxshi amaliyotlarni muhokama qilib, koʻp tomonlama va muvofiqlashtirilgan yondashuvni mustahkamlashdi.
Mazkur milliy darajadagi tadbir orqali Green University Oʻzbekistonda atrof-muhit, klimat oʻzgarishi va barqaror rivojlanish sohalarida muloqot, tadqiqot va amaliy ishlar uchun yetakchi akademik platforma sifatidagi rolini yanada mustahkamladi.