Yangiliklar

O‘zbekiston Respublikasi Ekologiya va iqlim o‘zgarishi milliy qo‘mitasi huzuridagi “Yashilloyiha” loyihalash instituti davlat muassasasi tomonidan Green University kutubxonasiga 100 dan ortiq nomdagi kitoblar sovg‘a qilindi.

Mazkur tashabbus universitet talabalari, professor-o‘qituvchilari va tadqiqotchilarining ilmiy, kasbiy va intellektual salohiyatini oshirish, shuningdek, atrof-muhit, ekologiya, iqlim o‘zgarishi va barqaror rivojlanish yo‘nalishlarida bilim olishlari uchun qo‘shimcha imkoniyatlar yaratishga qaratilgan.

Taqdim etilgan kitoblar orasidan ekologiya, atrof-muhitni muhofaza qilish, tabiiy resurslardan oqilona foydalanish, iqlim o‘zgarishi, barqaror rivojlanish hamda tegishli ilmiy va amaliy yo‘nalishlarga oid adabiyotlar o‘rin olgan.

Kitoblarning universitet kutubxonasiga taqdim etilishi ilmiy-ma’rifiy muhitni yanada rivojlantirish, yoshlarning kitobxonlik madaniyatini oshirish va ekologik yo‘nalishdagi bilimlarini mustahkamlashga xizmat qiladi.

Green University jamoasi mazkur ezgu tashabbus va ilm-ma’rifat rivojiga qo‘shayotgan hissasi uchun “Yashilloyiha” loyihalash instituti davlat muassasasiga o‘z minnatdorligini bildiradi.

📚Ilm va kitob — barqaror kelajak sari muhim qadam!